Regína sacratíssimi Rosárii, ora pro nobis!
  

Die 27 Februarii
Sancti Gabriélis a Vírgine Perdolénte, Confessoris

Gabriel Possenti Society

Introitus: Eccli xi: 13

Oculus Dei respéxit illum in bono, et eréxit eum ab humilitáte ipsíus: et exaltávit caput ejus; et mirati sunt in illo multi, et honoravérunt Deum. [Ps. lxxii:1] Quam bonus Israël Deus, his, qui recto sunt corde! v. Gloria Patri. Oculus Dei.

Oratio:

Deus, qui beátum Gabriélem dulcíssimæ Matris tuæ dolóres assídue recolére docuísti, ac per illam sanctitátis et miraculórum glória sublimásti: da nobis, ejus intercessióne et exémplo; ita Genitrícis tuæ consociári flétibus, ut matérna ejúsdem protectióne salvémur: Qui vivis.

Et in Quadragesima fit Commemoratio Feriæ:

1 Joann. ii: 14-17

Léctio Epístolæ beati Joannis Apóstoli. 
Caríssimi: Scribo vobis, júvenes, quóniam fortes estis, et verbum Dei manet in vobis, et vicístis malígnum. Nólite dilígere mundum, neque ea quæ in mundo sunt. Si quis díligit mundum, non est caritas Patris in eo: quóniam omne, quod est in mundo, concupiscéntia carnis est, et concupiscéntia oculórum et supérbia vitæ: quæ non est ex Patre, sed ex mundo est. Et mundus transit, et concupiscéntia ejus. Qui autem facit voluntátem Dei, manet in ætérnum.

Graduale: Ps. xxx: 20

Quam magna multitúdo dulcédinis tuæ, Dómine, quam abscondísti timéntibus te. v. Perfecísti eis qui sperant in te, in conspéctu filórum hóminum.

Tractus: Ps. lxxxiii: 6-7, 11, et 13

Beátus vir, cujus est auxílium abs te: ascensiónes in corde suo dispósuit, in valle lacrimárum, in loco quem pósuit. v. Elégi abjéctus esse in domo Dei mei: magis quam habitáre in tabernáculis peccatórum. v. Non privábit bonis eos, qui ambulant in inocéntia: Dómine virtútum, beátus homo, qui sperat in te.

+
Sequéntia sancti Evangélium secúndem Marcum

In illo témpore: Offerébant Jesu párvulos ut tángeret illos. Discípuli autem comminabántur offeréntibus. Quos cum videret Jesus, indígne tulit, et ait illis: «Sínite párvulos veníre ad Me, et ne prohibuéritis eos: tálium enim est regnum Dei. Amen dico vobis: Quisquis non recéperit regnum Dei velut párvulus non intrábit in illud.» Et compléxans eos, et impónens manus super illos, benedicébat eos. Et cum egréssus esset in viam procúrrens quidam genu flexo ante eum, rogábat eum: «Magíster bone, quid fáciam ut vitam ætérnam percípiam?» Jesus autem dixit et: «Quid me dícis bonum? Nemo bonus, nisi unus Deus. Præcépta nosti : Ne adúlteres, Ne occídas, Ne furéris, Ne falsum testimónium díxeris. Ne fraudem féceris. Honóra patrem tuum et matrem.» At ille respóndens, ait illi: «Magíster, hæc ómnia observávi a juventúte mea.» Jesus autem intúitus eum, diléxit eum, et dixit ei : «Unum tibi deest : vade, quæcúmque habes vende, et da paupéribus, et habébis thesáurum in cælo : et veni, séquere me.»

Offertorium: Ps. cxv: 16 et 17

O Dómine, quia ego servus tuus et fílius ancíllæ tuæ : dirupísti víncula mea, tibi sacrificábo hóstiam laudis.

Secreta:

Salutárem hóstiam in memóriam sancti Gabriélis tibi, Dómine, offeréntes fac nos sacrifícium mortis tuæ rite recólere: ac, méritis perdólentis Vírginis, ejúsdem sacrifícii fructum copióse percípere. Per Dóminum.

Et in Quadragesima fit Commemoratio Feriæ:

Praefatio Communis

Communio

Ecce sto ad óstium, et pulso: si quis audíerit vocem meam, et aperúerit mihi jánuam, intrábo ad illum, et cœnábo cum illo, et ipse mecum.

Postcommunio

Quas tibi, Dómine, in festivitáte sancti Gabriélis Confessóris tui, pro collátis donis grátias ágimus: súscipe propítious per manus gloriósæ semper Vírginis Maríæ : ex qua carnem illam assumpsísti, cujus in hoc salutári convívio merúimus gustáre dulcédinem. Qui vivis.

Et in Quadragesima fit Commemoratio Feriæ:

  



Dei via est íntegra
Our Lady of the Rosary, 144 North Federal Highway (US#1), Deerfield Beach, Florida 33441  954+428-2428
Authentic  Catholic Mass, Doctrine, and Moral Teaching -- Don't do without them -- 
Don't accept one without the others!