Regína sacratíssimi Rosárii, ora pro nobis!
  

Die 3 Novembris
S. Martíni de Porres, Confessóris Ord. Præd.

Missa Justus ut palma, de Communi Confessoris non Pontificis 2° loco,
præter Orationes sequentes:

Oratio:

Deus humílium celsitúdo, qui beátum Martínum Confessórem tuum ad cæléstia regna transíre fecisti: ejus méritis et intercessióne concéde, nos ejus humilitátem ita imitári in terris; ut cum ipso exaltári mereámur in cælis: Per Dóminum.

Commemoratio Octavæ Ómnium Sanctórum:Oratio:

Omnípotens sempitérne Deus, qui nos ómnium sanctórum tuórum mérita sub una tribuísti celebritáte venerári: quǽsumus, ut desiderátam nobis tuæ propitiatiónis abundántiam, multiplicátis intercessóribus largiáris. Per Dóminum.

Credo ratióne Octavæ.

Secreta:

Hanc hóstiam, Dómine, quam tibi in honórem beáti Martíni Confessóris sacrandam offérimus, benignus súscipe: et præsta, ut ejus pia intercessióne, nobis efféctum tuæ salvatiónis impéndat. Per Dóminum.

Commemoratio Octavæ Ómnium Sanctórum: Secreta:

Múnera tibi Dómine, nostræ devotiónis offérimus: quæ et pro cunctórum tibi grata sint honóre justórum, et nobis salutária, te miseránte, reddántur. Per Dóminum.

Postcommunio:

Cæléstibus aliméntis enutríti, súpplices te rogámus, Dómine Deus noster: ut beáto Martíno Confessóre pro nobis intercedénte; tuis semper valeámus obedíre mandatis. Per Dóminum.

Commemoratio Octavæ Ómnium Sanctórum: Postcommunio

Da quǽsumus, Dómine, fidélibus pópulis ómnium Sanctórum semper veneratióne lætári: et eórum perpétua supplicatióne muníri. Per Dóminum.

 



Dei via est íntegra
Our Lady of the Rosary, 144 North Federal Highway (US#1), Deerfield Beach, Florida 33441  954+428-2428
Authentic  Catholic Mass, Doctrine, and Moral Teaching -- Don't do without them -- 
Don't accept one without the others!