Die 22 Augusti
Immaculáti Cordis Beátæ Maríæ Vírginis
De die Octava Assumptiónis B. Maríæ Vírginis
nihil fit in Missa Immaculata Cordis.
Introitus: Hebr. iv: 16.
Adeámus cum fidúcia ad thronum grátiæ, ut misericórdiam consequámur, et grátiam inveniámus in auxíllio opportúno. [Ps. xliv: 2] Eructávit cor meum verbum bonum dico ego ópera mea regi. Glória Patri. Adeámus cum fidúcia.
Oratio:
O
mnípotens sempitérne Deus, qui in Corde beátæ Maríæ Vírginis dignum Spíritus Sancti habitáculum preparásti: concéde propítius; ut ejúsdem immaculáti Cordis festivitátem devóta mente recoléntes secúndum Cor tuum vívere valeámus. Per Dóminum ...in unitáte ejúsdem.Et, in Missis privatis tantum, fit Commemoratio Ss, Timothei,
Hippolyti et Symphoriani, Mm.
Oratio:
A
uxílium tuum nobis, Dómine, quǽsumus, placátus impénde: et, intercedéntibus beátis Martýribus tuis Timótheo, Hippólyto, et Symphoriáno, déxteram super nos tuæ propitiatiónis exténde. Per Dóminum.Ecclesiastes: xxiv: 22-31
Léctio libri Sapiéntiæ
Ego quasi vitis fructificávi suavitátem odóris:
et flores mei, fructus honóris et honestátis. Ego mater pulchræ dilectiónis,
et timóris, et agnitiónis, et sanctæ spei. In me grátia omnes viæ et
veritátis: in me omnes spes vitæ et virtútis. Transíte ad me omnes qui
concupíscitis me, et a generatiónibus meis implémini. Spíritus enim meus
super mel dulcis, et heréditas mea super mel et favum. Memória mea in
generatiónes sæculórum. Qui edunt me adhuc esúrient: et qui bibunt me adhuc
sítient. Qui audit me, non confundétur: et qui operántur in me, non
peccábunt. Qui elúcidant me, vitam ætérnum habébunt.
Graduale: Ps. xii: 6
E
xsultávit cor meum in salutári tuo: cantábo Dómino, qui bona tríbuit mihi: et psallam nómini Dómini altíssimi. [Ps. xliv: 18] Mémores erunt nóminis tui in omni generatióne et generatiónem: proptérea pópuli confitebúntur tibi in ætérnum.Allelúja, allelúja. [Luc. i: 46, 47] Magníficat ánima mea Dómino: et exsultávit spíritus meus in Deo salutári meo. Allelúja.
Post Septuagesima: Tractus: Prov. viii: 32-35
N
unc ergo, fílii, audíte me: Beáti, qui custódiunt vias meas. Audíte disciplínam, et estóte sapiéntes, et nolíte abjícere eam. v. Beátus homo, qui audit me, et qui vígilat ad fores meas quotídie, et obsérvat ad postes óstii mei. v. Qui me invénerit, invéniet vitam, et háuriet salútem a Dómino.Tempore autem Paschali: Allelúja
A
llelúja, allelúja. [Luc. i: 46, 47] Magníficat ánima mea Dómino: et exsultávit spíritus meus in Deo salutári meo. Allelúja. v. Beátam me dicent omnes generatiónes, quia ancíllam húmilem respéxit Deus. Allelúja.Joann. xix: 25-27
+
I
n illo témpore: Stabant juxta crucem Jesu mater ejus, et soror matris ejus María Cléophæ, et María Magdaléne. Cum vidísset ergo Jesus matrem, et discípulum stantem, quem diligébat, dicit matri suæ: «Múlier, ecce fílius tuus.» Deínde dicit discípulo: «Ecce mater tua.» Et ex ílla hora accépit eam discípulus in sua.Credo.
Offertorium:
E
xsultávit spíritus meus in Deo salutári meo; quia fecit mihi magna qui potens est, et sanctum nomen ejus.Secreta:
M
ajestáti tuæ, Dómine, Agnum immaculátum offerentes, quǽsumus: ut corda nostra ignis ille divínus accéndat, qui Cor beátæ Maríæ Vírginis ineffabíliter inflammávit. Per eúndem Dóminum.Pro Ss. Martyribus
Secreta:
A
cépta tibi sit, Dómine, sacrátæ plebis oblátio pro tuórum honóre Sanctórum: quorum se méritis de tribulatióne percepísse cognóscit auxílium. Per Dóminum. Et te in FestivitáteCommunio
D
ixit Jesus matri suæ: «Múlier, ecce fílius tuus.» Deínde dicit discípulo: «Ecce mater tua.» Et ex ílla hora accépit eam discípulus in sua.Postcommunio
D
ivinis refécti munéribus te, Dómine, supplíciter exorámus: ut beátæ Maríæ semper Vírginis intercessióne, cujus immaculáti Cordis solémnia venerándo égimus, a præséntibus perículis liberáti, ætérnæ vitæ gáudia consequámur. Per Dóminum.Pro Ss, Myrtyribus
Postcommunio
D
ivíni múneris largitáte satiáti quǽsumus, Dómine Deus noster: ut, intercedéntibus sanctis Martýribus tuis Timótheo, Hippólyto, et Symphoriáno, in ejus semper participatióne vivámus. Per Dóminum.Si hodie fuerit Sabbatum, fit de Vigilia anticipata
S. Bartholomæi Apostoli ut die sequenti notatur.
