Die 8 Decembris
In Conceptióne Immaculáta Beatæ Maríæ Vírginis
I Classis cum Octava
Introitus: Isai: lxi: 10
Gaudens gaudébo in Dómino, et exsultábit ánima mea in Deo meo: quia índuit me vestiméntis salútis: et induménto justítiæ circúmdedit me, quasi sponsam ornátam monílibus suis. [Ps. xxix: 2]. Exaltábo te, Dómine, quóniam suscepísti me: nec delectásti inimícos meos super me. Glória Patri. Gaudens gaudébo.
Collect:
Deus, qui per immaculátam Vírginis Conceptiónem dignum Fílio tuo habitáculum præparásti: quǽsumus; ut, qui ex morte ejúsdem Fílii tui prævísa, eam ab omni labe preservásti, nos quoque mundos ejus intercessióne ad te perveníre concédas. Per Dóminum.
2. fit Commeratio Feriæ 3. (Infra Octavam: de Spiritu Sancto)
Prov. viii: 22-35
Léctio libri Sapiéntiæ.
Dóminus possédit me in inítio viárum suárum, ántequam quidquam fáceret
a princípio. Ab ætérno ordináta sum, et ex antíquis, ántequam terra
fíeret. Nondum erant abyssi, et ego jam concépta eram: necdum fontes aquárum
erúperant: necdum montes gravi mole constíterant: ante colles ego
parturiébar: adhuc terram non fécerat, et flúmina, et cárdines orbis terræ.
Quando præparábat cælos, áderam: quando certa lege et gyro vallábat
abyssos: quando áethera firmábat sursum et librábat fontes aquárum: quando
circúmdabat mari términum suum, et legem ponébat aquis, ne transírent fines
suos: quando appendébat fundaménta terræ. Cum eo eram cuncta compónens: et
delectábar per síngulos dies, ludens coram eo omni témpore: ludens in orbe
terrárum: et delíciæ meæ esse cum fíliis hóminum. Nunc ergo, fílii,
audíte me: Beáti, qui custódiunt vias meas. Audíte disciplínam, et estóte
sapiéntes, et nolíte abjícere eam. Beátus homo, qui audit me, et qui
vígilat ad fores meas quotídie, et obsérvat ad postes óstii mei. Qui me
invénerit, invéniet vitam, et háuriet salútem a Dómino.
Graduale Judith xiii: 23
Benedícta es tu, Virgo María, a Dómino Deo excélso, præ ómnibus
muliéribus super terram. [ibid.: xv:10]. Tu
glória Jerúsalem, tu lætítia Israël, tu honorificéntia pópuli nostri.
Allelúja, allelúja. [Cant. iv: 7]..Tota
pulchra es María: et macula originális non est in te. Allelúja.
Post Septuagesima: Tractus Ps. lxxxvi: 1-2
Fundaménta ejus in móntibus sanctis: díligit Dóminus portas Sion super ómnia tabernácula Jacob. [Ibid.: 3] Gloriósa dicta sunt de te, cívitas Dei. [Ibid.: 5] Homo natus est in ea, et ipse fundávit eam Altíssimus.
Tempore autem Paschali:
Allelúja, allelúja. Tu glória Jerúsalem, tu lætítia Israël, tu honorificéntia pópuli nostri. Allelúja. [Cant. iv: 7]..Tota pulchra es María: et macula originális non est in te. Allelúja.
Luc. i: 26-38
+
In illo témpore: missus est angelus Gábriel a Deo in civitátem Galilǽæ,
cui nomen Názareth, ad virginem desponsátam viro cui nomen erat Joseph, de
domo David, et nomen Vírginis María. Et ingréssus Angelus ad eam, dixit:
"Ave, grátia plena: Dóminus tecum: benedícta tu in muliéribus."
Credo.
Offertorium: Luc. i: 28
Ave María, grátia plena: Dóminus tecum: benedícta tu in muliéribus, allelúia.
Secreta:
Salutárem hóstiam, quam in solemnitáte immaculátæ Conceptiónis beátæ Vírginis Maríæ tibi, Dómine, offférimus, súscipe et præsta: ut, sicut illam tua grátia præveniénte ab omni labe immúnem profitémur; ita ejus intercessióne a culpis ómnibus liberémur. Per Dóminum.
2. fit Commeratio Feriæ 3. (Infra Octavam: de Spiritu Sancto)
Præfatio de B. María Virg. "Et
te in Conceptióne immaculata"
quæ dicitur per
totam Octavam in omnibus Missis quæ non sunt de tempore, neque aliam
Præfationem exigant, juxta Runricas.
Communio: Ps. l: 21
Gloriósa dicta sunt de te María: quia fecit tibi magna qui potens est.
Postcommunio:
Sacraménta, quæ súmpsimus, Dómine Deus noster, illíus in nobis culpæ vúlnera réparent; a qua immaculátum beátæ Maríæ Conceptiónem singuláriter præservásti:. Per Dominum.
2. fit Commeratio Feriæ 3. (Infra Octavam: de Spiritu Sancto)
