Feria VI Post Octavam Sanctissimi Corporis Christi, In festo

SACRATISSIMI CORDIS JESU
Duplex I classis cum Octava privlegata III ordinis

[English Text]

Introitus: Ps. xxxii: 11 et 19

Cogitatiónes Cordis ejus in generatióne et generatiónem: ut éruat a morte ánimas eórum et alat eos in fame. [Ps. ibid. 1] Exsultáte, justi, in Dómino, rectos decet collaudátio. Gloria Patri. Cogitatiónes.

Collect:

Deus qui nobis, in Corde Fílli tui, nostris vulneráto peccátis, infinítos dilectiónis thesáuros misericórditer largíri dignáris; concéde, quǽsumus, ut illi devótum pietátis nostræ præstántes obséquium, dignæ quoque satisfactiónis exhibeámus offícium. Per eúmdemDóminum.

Ephes. iii: 8-12, 14-19

Léctio Epístolæ beáti Pauli Apóstoli ad Ephésios.
Fratres:Mihi ómnium sanctórum mínimo data est grátia hæc, in géntibus evangelizáre investigábiles divítias Christi: et illumináre omnes, quæ sit dispensátio sacraménti abscónditi a sǽculis in Deo qui ómnia creávit: ut innotéscat principátibus et potestátibus in cæléstibus per ecclésiam multifórmis sapiéntia Dei: secúndum præfinitiónem sæculórum quam fecit in Christo Jesu Dómino nostro, in quo habémus fidúciam et accéssum in confidéntia per fidem eius…. Hujus rei grátia flecto génua mea ad Patrem Dómini nostri Jesu Christi, ex quo omnis patérnitas in cælis et in terra nominátur: ut det vobis secúndum divítias glóriæ suæ, virtúte corroborári per Spíritum ejus in interiórem hóminem: Christum habitáre per fidem in córdibus vestris: in caritáte radicáti et fundáti: ut possítis comprehéndere, cum ómnibus sanctis, quæ sit latitúdo, et longitúdo, et sublímitas, et profúndum: scire étiam supereminéntem sciéntiæ caritátem Christi, ut impleámini in omnem plenitúdinem Dei.

Graduale Ps. xxiv: 6-9

Dulcis et rectus Dóminus, propter hoc legem dabit delinquéntibus in via. V. Diriget mansuétos in judício, docébit mites vias suas.
Allelúja, allelúja. [Matth. xi: 29 et 28] Tóllite jugum meum super vos et díscite a me, quia mitis sum, et húmilis Corde, et inveniétis réquiem animábis vestris. Allelúja.

Post Septuagesima omissis Allelúja et versu sequenti dicitur
Tractus: Ps. cii: 8-9

Miséricors et miserátor Dóminus, longánimis et multum miséricors. V. Non in perpétuum irascétur, neque in ætérnum comminábitur. V. Non secúndum peccáta nostra fecit nobis, neque secúndum iniquitátes nostras retríbuit nobis.

Tempore autem Paschali, omissis Graduali et Tractu dicitur

Allelúja, allelúja. [Matth. xi: 29 et 28] Tóllite jugum meum super vos et díscite a me, quia mitis sum, et húmilis Corde, et inveniétis réquiem animábis vestris. Allelúja. V. Veníte ad me, omnes qui laborátis et oneráti estis, et ego refíciam vos. Allelúja.

+ Joann. xix: 31-37
Sequéntia sancti Evangélii secundum Joánnem.

In illo témpore: Judǽi ergo quóniam Parascéve erat, ut non remanérent in cruce córpora sábbato, erat enim magnus dies ille sábbati, rogavérunt Pilátum ut frangeréntur eórum crura et tolleréntur. Venérunt ergo mílites, et primi quidem fregérunt crura et altérius qui crucifíxus est cum eo. Ad Jesum autem cum veníssent, ut vidérunt eum jam mórtuum, non fregérunt ejus crura: sed unus mílitum láncea latus ejus apruit, et contínuo exívit sanguis et aqua. Et qui vidit testimónium perhíbuit: et verum est testimónium ejus. Et ille scit quia vera dicit, ut et vos credátis. Facta sunt enim hæc ut Scriptúra implerétur: «Os non comminuétis ex eo.» Et íterum alia scriptúra dicit: «Videbunt in quem transfixerunt.»

Credo.

Offertorium: Ps. lxviii: 21.

Impropérium exspectávit Cor meum misériam, et sustínui qui simul mecum contristarétur et non fuit: consolántem me quæsívi et non invéni.

Tempore vero Paschali: Offertorium: Ps. xxxix: 7-9.

Holocáustum et pro peccáto non postulásti: tunc dixi: «Ecce vénio. In cápite libri scriptum est de me ut fácerem voluntátem tuam: Deus meus, vólui et legem tuam in médio Cordis me.» Allelúja.

Secreta:

Respice, quǽsumus, Dómine, ad ineffábilem Cordis dilécti Fílli tui caritátem: ut quod offérimus sit tibi munus accéptum et nostrórum expiátio delictórum. Per eúmdem Dominum.

Præfatio de Sacratissimo Corde Jesu,
quæ dicitur per totam Octavam, juxta Rubricas:

[P] Per omnia sæcula sæculorum.
[C] Amen.
[P] Dominus vobiscum.
[C] Et cum spritu tuo.
[P] Sursum corda.
[C] Habemus ad Dominum.
[P] Gratias agamus Domino Deo nostro.
[C] Dignum et iustum est.

Vere dignum et iustum est, æquum et salutáre, nos tibi semper et ubíque grátias ágere: Dómine, sancte Pater, omnípotens ætérne Deus: Qui unigénitum tuum, in Cruce pendéntem, láncea mílitis transfígi voluísti, ut apértum Cor, divínæ largitátis sacrárium, torréntes nobis fúnderet miseratiónis et grátiæ, et quod amóre nostri flagráre numquam déstitit, piis esset réquies et pœniténtibus patéret salútis refúgium. Et ideo cum Angelis et Archángelis, cum Thronis et Dominatiónibus, cumque omni milítia cæléstis exércitus, hymnum glóriæ tuæ cánimus, sine fine dicéntes:

[All] Sanctus, Sanctus, Sanctus,
Dominus Deus Sábaoth.
Pleni sunt cæli et terra glória tua.
Hosánna in excélsis.
Benedíctus + qui venit in nómine Dómini.
Hosanna in excélsis.

Communio: Joann. xix: 34

Unus mílitum láncea latus ejus apéruit, et contínuo exívit sanguis et aqua.

Tempore Paschalis: Communio: Joann. vii: 37

Si quis sitit, véniat ad me et bibat, allelúja, allelúja.

Postcommunio:

Prǽbeant nobis, Dómine Jesu, divínum tua sancta fervórem: quo dulcíssimi Cordis tui suavitáte percépta, discámus terréna despícere, et amáre cæléstia: Qui vivis.

Infra Octavam orationes 2 de sancta Maria "Concede,"
3 contra persecutores Ecclesiæ, vel pro Papa.

 

Act of Reparation to the Sacred Heart of Jesus