Die 25 Decembris
In Nativitate Dómini
I classis cum Octava privilegata III Ordinis

[1st Mass English]   [1st Mass Latin]

[2nd Mass English]   [2nd Mass Latin]

[3rd Mass English]   [3rd Mass Latin]

Ad Primam Missam
in nocte
Statio: ad S. Mariam majorem as Præsepe

Introit: Psalm ii. 7

Dóminus dixit ad me: Filius meus es tu, ego hodie genui te. [Ps.ii] Quare fremuérunt gentes, et populi meditáti sunt inánia? Gloria Patri.... Dóminus dixit...

Collect:

Deus, qui hanc sacratissimam noctem veri lúminis fecísti illustratióne clarescere: da, quesumus; ut, cujus lucis mysteria in terra cognovimus, ejus quoque gáudiis in cælo perfruámur. Qui tecum vivit....

Epistle: Titus ii. 11-15

Léctio Epistolæ beáti Pauli Apostoli ad Titum.
Carissime: Apparuit gratia Dei Salvatoris nostri omnibus homínibus erúdiens nos, ut abnegántes impietátem, et sæcularia desidéria, sobrie et juste, et pie vivamus in hoc sæculo, expectántes beátam spem, et adventum gloriæ magni Dei et Salvatoris nostri Jesu Christi: qui dedit semetipsum pro nobis: ut nos redímeret ob omni iniquitáte, et mundáret sibi pópulum acceptabilem, sectatorem bonorum operum. Hæc lóquere, et exhortáre in Christo Jesu Domino nostro.

Gradual: Ps. cix. 3 & 1

Tecum principium in die virtutis tuæ: in splendoribus sanctorum, ex utero ante lucíferum genui te. Dixit Dóminus Dómino meo: Sede a dextris meis, donec ponam inimícos tuos, scabellum pedum tuorum.

Allelúia, allelúia. [Ps.ii] Dominus dixit ad me: Fílius meus es tu, ego hodie genui te. Allelúia.

Gospel: Luke ii. 1-14

    † Sequéntia sancti Evangelii secundum Lucam.
In illo tempore: Exiit edictum a Cæsare Augusto, ut describerétur universis orbis. Hæc descríptio prima facta est a præside Syriæ Cyrino, et ibant omnes ut profiteréntur singuli in suam civitátem. Ascendit autem et Joseph a Galilǽa de civitáte Nazareth, in Judæam in civitátem David, quæ vocatur Bethlehem: eo quod esset de domo et família David, ut profiterétur cum Maria desponsáta sibi uxore prægnánte. Factum est autem, cum essent ibi, impléti sunt dies ut páreret. Et péperit Filium suum primogénitum, et pannis eum invólvit, et reclinavit eum in præsépio: quia non erat eis locus in diversorio. Et pastóres erant in regione eadem vigilantes, et custodientes vigilias noctis super gregem suum. Et, ecce, Angelus Domini stetit juxta illos, et claritas Dei circumfúlsit illos, et timuerunt timore magno. Et dixit illis Angelus: Nolite timere: ecce enim evangelízo vobis gáudium magnum, quod erit omni pópulo: quia natus est vobis hodie Salvator, qui est Christus Dóminus, in civitáte David. Et hoc vobis signum: Invenietis infántem pannis involútum, et pósitum in præsépio Et subito facta est cum Angelo multitúdo militiæ cælestis, laudántium Deum, et dicentium: Gloria in altissimus Deo, et in terra pax homínibus bonæ voluntatis.

Credo.

Offertory: Ps. xcv. 11 & 13

Læténtur cæli, et exsultet terra ante fáciem Domini: quoniam venit.

Secret:

Accepta tibi sit, Dómine, quæsumus, hodiérnæ festivitátis oblátio: ut, tua gratia largiénte, per hæc sacrosancta commercia, in illíus inveniámur forma, in quo tecum est nostra substantia. Qui tecum....

Præfatio et Communicántes de Nativitate

Communion: Ps. cix 3

In splendoribus sanctorum, ex utero ante lucíferum genui te.

Postcommunion:

Da nobis, quæsumus, Dómine Deus noster: ut, qui Nativitatem Domini nostri Jesu Christi mysteriis nos frequentáre gaudémus; dignus conversationibus ad ejus mereámur perveníre consórtium. Qui tecum....

 

---

Ad Secundam Missam
in aurora
Statio: ad S. Anastasia

Introit: Isaias ix: 2 et 9

Lux fulgébit hódie super nos: quia natus est nobis Dóminus: et vocábitur Admirábilis, Deus, Princeps pacis, Pater futúri saéculi: cujus regni non erit finis. [Ps. xcii] Dóminus regnávit, decórem indútus est: indútus est Dóminus fortitúdinem, et præcínxit se. Glória Patri.... Lux....

Collect:

Da nobis, quáesumus, omnípotens Deus: ut qui nova incarnáti Verbi tui luce perfúndimur; hoc in nostro respléndeat ópere, quod per fidem fulget in mente. Per eúmdem.

Commemoration of St. Anastasia:

Da quáesumus, omnípotens Deus: ut qui beátæ Anastásiæ Mártyris tuæ solémnia cólimus; ejus apud te patrocínia sentiámus. Per Dominum....

Epistle: Titus iii: 4-7

    Léctio Epístolæ beáti Pauli Apóstoli ad Titum.
Caríssime: Appáruit benígnitas et humánitas Salvatóris nostri Dei: non ex opéribus justítiæ, quæ fécimus nos, sed secúndum suam misericórdiam salvos nos fecit per lavácrum regeneratiónis et renovatiónis Spíritus Sancti quem effúdit in nos abúnde per Jesum Christum Salvatórem nostrum: et justificáti grátia ipsíus, herédes simus secúndum spem vitæ ætérnæ: in Christo Jesu Dómino nostro.

Gradual: Ps. cxvii 26, 27 et 23

Benedictus qui venit in nómine Dómini: Deus Dóminus, et illúxit nobis. A Dómino factum est istud: et est mirábile in óculis nostris.
Allelúia, allelúia. [Ps. cxii] Dóminus regnávit, decórem índuit: índuit Dóminus fortitúdinem, et præcínxit se virtúte. Allelúia.

Gospel: Luke ii 15-20

    † Sequéntia sancti Evangélii secúndum Lucam.
In illo tempore: Pastóres loquebántur ad ínvicem: Transeámus usque Béthlehem, et videámus hoc verbum, quod factum est, quod Dóminus osténdit nobis. Et venérunt festinántes: et invenérunt Maríam, et Joseph, et infántem pósitum in præsépio. Vidéntes autem cognovérunt de verbo, quod dictum erat illis de púero hoc. Et omnes, qui audiérunt, miráti sunt et de his quæ dicta erant a pastóribus ad ipsos. María autem conservábat ómnia verba hæc, cónferens in corde suo. Et reversi sunt pastóres glorificántes, et laudántes Deum in ómnibus, quæ audíerant, et víderant, sicut dictum est ad illos.

Credo.

Offertory:

Deus firmavit orbem terræ, qui non commovébitur: paráta sedes tua, Deus ex tunc, a sæculo tu es.

Secret:

Múnera nostra, quáesumus, Dómine, Nativitátis hodiérnæ mystériis apta provéniant, et pacem nobis semper infúndant: ut, sicut homo génitus idem refúlsit et Deus, sic nobis hæc terréna substánia cónferat, quod divínum est. Per eúmdem....

Commemoration of St. Anastasia:

Accipe, quaésumus, Dómine, múnera dignánter obláta: et beátæ Anastásiæ Mártyris tuæ suffragántibus méritis, ad nostræ salútis auxíllium proveníre concéde. Per Dóminum.Á

Præfatio et Communicántes de Nativitate

Communion Hymn: Zacharias ix: 9

Exsúlta filia Sion, lauda filia Jerúsalem: ecce rex tuus venit sanctus, et salvátor mundi.

Postcommunion:

Hujus nos, Dómine, sacraménti semper nóvitas natális instáuret: cujus Natívitas singuláris humánam répulit vetustátem. Per eúmdem Dóminum.

Commemoration of St. Anastasia:

Satiásti, Dómine, famíliam tuam munéribus sacris: ejus quaésumus, semper interventióne nos réfove, cujus solémnia celebrámus. Per Dóminum.

 

---

Ad Tertiam Missam
in die Nativitas Dómini
Statio: ad S. Anastasia

ΕΝ ΑΡΧΗ ην ο λόγος, καὶ ο λόγος ην πρὸς τὸν θεόν, καὶ θεὸς ην ο λόγος.  Ουτος ην εν αρχη πρὸς τὸν θεόν.  πάντα δι' αυτου εγένετο, καὶ χωρὶς αυτου εγένετο ουδὲ έν.  ὸ γέγονεν εν αυτω ζωὴ ην, καὶ η ζωὴ  ην τὸ φως των ανθρώπων: καὶ τὸ φως εν τη σκοτία φαίνει, καὶ η σκοτία αυτὸ ου κατέλαβεν.  Εγένετο άνθρωπος απεσταλμένος παρὰ θεου,  όνομα αυτω Ιωάνης: ουτος ηλθεν εις μαρτυρίαν, ίνα μαρτυρήση περὶ του φωτός, ίνα πάντες πιστεύσωσιν δι' αυτου.  ουκ ην εκεινος τὸ φως, αλλ' ίνα μαρτυρήση περὶ του φωτός.  Ην τὸ φως τὸ αληθινὸν ὸ φωτίζει πάντα άνθρωπον ερχόμενον εις τὸν κόσμον.  εν τω κόσμω ην, καὶ ο κόσμος δι' αυτου εγένετο, καὶ ο κόσμος αυτὸν ουκ έγνω.  Εις τὰ ίδια ηλθεν, καὶ οι ίδιοι αυτὸν ου παρέλαβον.  όσοι δὲ έλαβον αυτόν, έδωκεν αυτοις εξουσίαν τέκνα θεου γενέσθαι, τοις πιστεύουσιν εις τὸ όνομα αυτου,  οὶ ουκ εξ αιμάτων ουδὲ εκ θελήματος σαρκὸς ουδὲ εκ θελήματος ανδρὸς αλλ' εκ θεο εγεννήθησαν.  Καὶ ο λόγος σὰρξ εγένετο καὶ εσκήνωσεν εν ημιν, καὶ εθεασάμεθα τὴν δόξαν αυτου, δόξαν ως μονογενους παρὰ πατρός,  πλήρης χάριτος καὶ αληθείας:

Introit: Isaias ix: 6

Puer natus est nobis, et filius datus est nobis: cujus impérium super húmerum ejus: et vocábitur nomen ejus, magni consílii Angelus. [Ps. xcvii: 1] Cantáte Dómino cánticum novum, quia mirabília fecit. Glória Patri. Puer natus.

Collect:

Concéde, quaésumus, omnípotens Deus: ut nos Unigéniti tui nova per carnem Natívitas líberet: quos sub peccáti jugo vetústa sérvitus tenet. Per eúmdem Dóminum.

Epistle: Hebrews i: 1-12

    Léctio Epistolæ beáti Pauli Apóstoli ad Hebraéos:
Multifárium multísque modis olim Deus loquens pátribus in prophétis: novíssime diébus istis locútus est nobis in Fílio, quem constítuit herédem universórum, per quem fecit et saécula: qui cum sit splendor glóriæ, et figúra substántiæ ejus, portánsque ómnia verbo virtútis suæ, purgatiónem peccatórum fáciens, sedet ad déxteram majestátis in excélsis: tanto mélior Angelis efféctus, quanto differéntius præ illis nomen hereditávit. Cum enim dixit aliquándo Angelórum: Filius meus es tu, ego hódie genui te? Et rursum: Ego ero illi in patrem, et ipse erit mihi in filium? Et cum iterum indrodúcit primogénitum in orbem terræ, dicit: Et adórent eum omnes Angeli Dei. Et ad Angelos quidem dicit: Qui facit Angelos suos spiritus, et ministros suos flammam ignis. Ad Fílium autem: Thronus tuus, Deus in saéculum saéculi: virga æquitatátis, virga regni tui. Delixisti justitiam, et odisti iniquitátem: proptérea unxit te Deua, Deus tuus, óleo exultatiónis præ particípibus tuis. Et: Tu in princípio Dómine, terram fundásti: et ópera mánuum tuárum sunt cæli. Ipse períbunt, tu autem permanébis; et omnes ut vestiméntum veteráscent: et velut amíctum mutábis eos, et mutabúntur: tu autem idem ipse es, et anni tui non deficient.

Gradual: Ps. xcvii 3-4 & 2

Viderunt omnes fines terræ salutáre Dei nostri: jubiláte Deo, omnis terra. Notum fecit Dóminus salutáre suum: ante conspéctum géntium revelávit justítiam suam.

Alleluia, Allelúia. Dies sanctificátus illúxit nobis: veníte, gentes, et adoráte Dóminum: quia hódie descéndit lux magna super terram. Allelúia.

Gospel: John i: 1-14

  †   Inítium sancti Evangélii secúndum Joánnem.
In princípio erat Verbum, et Verbum erat apud Deum, et Deus erat Verbum. Hoc erat in princípio apud Deum. Omnia per ipsum facta sunt: et sine ipso factum est nihil, quod factum est: in ipso vita erat, et vita erat lux hóminum: et lux in ténebris lucet, et ténebræ eum non comprehendérunt. Fuit homo missus a Deo, cui nomen erat Joánnes. Hic venit in testimónium, ut testimónium perhibéret de lúmine, ut omnes créderent per illum. Non erat ille lux, sed ut testimónium perhibéret de lúmine. Erat lux vera, quæ illúminat omnem hóminem veniéntem in hunc mundum. In mundo erat, et mundus per ipsum factus est, et mundus eum non cognóvit. In própria venit, et sui eum non recepérunt. Quotquot autem recepérunt eum, dedit eis potestátem fílios Dei fíeri, his, qui credunt in nómine ejus: qui non ex sanguínibus, neque ex voluntáte carnis, neque ex voluntáte viri, sed ex Deo nati sunt. [Hic genuflectitur] Et Verbum caro factum est, et habitávit in nobis: et vidimus glóriam ejus, glóriam quasi Unigéniti a Patre, plenum grátiæ et veritátis.

Offertory: Psalm cxxxviii: 12 & 15

Tui sunt cæli, et tua est terra: orbem terrárum, et plenitúdenem ejus tu fundásti: justítia et judícium præparátio sedis tuæ.

Secret:

Obláta, Dómine, múnera, nova Unigéniti tui Nativitáte sanctífica: nosque a peccatórum nostrórum máculis emúnda. Per eúmdem Dóminum.

Præfatio et Communicántes de Nativitate

Communion: Psalm xcvii: 3

Vidérunt omnes fines terræ salutáre Dei nostri.

Postcommunion

Presta, quaésumus, omnípotens Deus: ut natus hódie Salvátor mundi, sicut divínæ nobis generatiónis est auctor; ita et immortalitátis sit ipse largítor. Qui tecum.

Last Gospel: Matthew ii: 1-12

    † Sequéntia sancti Evangélii secúndum Matthaéum:
Cum natus esset Jesus in Béthlehem Juda in diébus Heródis regis, ecce Magi ab Oriénte venérunt Jerosólymam, dicéntes: Ubi est gui natus est rex Judæórum? Vidimus enim stellam ejus in Oriénte, et vénimus adoráre eum. Audiens autem Heródes rex, turbátus est, et ómnis Jerosólyma cum illo. Et congregans omnes príncipes sacerdótum, et scribas pópuli, sciscitabátur ab eis, ubi Christus nascerétur. At illi dixérunt ei: In Béthlehem Judæ: sic enim scriptum est per Prophétam: Et tu, Béthlehem terra Juda, nequáquam mínima es in princípibus Juda: ex te enim éxiet dux, qui regat pópulum meum Israël. Tunc Heródes, clam vocátis Magis, diligénter didicit ab eis tempus stellæ, quæ appáruit eis: et mittens illos in Béthlehem, dixit: Ite, et interrogáte diligénter de púero: et cum invenéritis, renuntiáte mihi, ut et ego véniens adórem eum. Qui cum audíssent regem, abiérunt. Et ecce stella, quam víderant in Oriénte, antecedébant eos, usque dum véniens, staret supra, ubi erat puer. Vidéntes autem stellam, gavisi sunt gáudio magno valde. Et intrántes domum, invenérunt púerum cum María matre ejus [hic genuflectitur] et procidéntes adoravérunt eum. Et apértis thesáuris suis, obtulérunt ei múnera; aurum, thus, et myrrham. Et, respónso accépto in somnis áliam viam revérsi sunt in regiónem suam.