Regína sacratíssimi Rosárii, ora pro nobis!
  

Die 18 Augusti
Sancto Agapito, Martyre
III Classis

Missa Lætábitur de communi unius Martyris 4° loco.

Oratio:

Lætétur Ecclesia tua, Deus, beáti Agapíti Mártyris tui confísa suffrágiis: atque ejus précibus gloriósis, et devóta permánent, et secúra consístat. Per Dóminum.

Oratio de Octava:

Omnípotens sempitérne Deus, qui immaculátam Vírginem Maríam, Fílii tui genetrícem, córpore et ánima ad cæléstem glóriam assumpsísti, concéde, quǽsumus, ut, ad supérna semper inténti, ipsíus glóriæ mereámur esse consórtes. Per Dóminum.

Oratio de S. Helenæ

Dómine, Jesu Christe qui locum, ubi crux tua latébat beátæ Hélenæ revelásti, ut, per Ecclésiam tuam hoc pretióso thesáuro ditáres: ejus nobis intercessióne concéde; ut vitális ligni prétio ætérnæ vitæ prǽmia consequámur. Qui vivis.

 Joann. xii: 23-25

+  Sequéntia sancti Evangélii secúndum Joánnem.
I
n illo témpore: Dixit Jesus discípulis suis: «Amen, amen dico vobis, nisi granum fruménti cadens in terram, mórtuum fúerit, ipsum solum manet: si autem mórtuum fúerit, multum fructum affert. Qui amat ánimam suam, perdet eam: et qui odit ánimam suam in hoc mundo, in vitam ætérnam custódit eam.» 

Credo, ratione Octavæ

Secreta:

Súscipe, Dómine, múnera, quæ in ejus tibi solemnitáte deférimus: cujus nos confídimus patrocínio liberári. Per Dóminum.

Secreta de Octava

Ascéndat ad te, Dómine, nostræ devotiónis oblátio, et, Beatíssima Vírgine María in cælum assúmpta intercedénte, corda nostra, caritátis igne succénsa, ad te júgiter adspírent. Per Dóminum.

Secreta de S. Helenæ

Per hæc sacra mystéria concéde nobis, Dómine: ut, sicut beátæ Hélenæ misericórditer tribuísti ut Fílium tuum crucifíxum in corde semper gestáret; ita et nos eam in córdibus nostris perpétuo deferámus. Qui tecum.

Præfatio de B. Maria Virg. Et te in Assumptióne:

Postcommunio:

Satiásti, Dómine, famíliam tuam munéribus sacris: ejus, quǽsumus, semper interventióne nos réfove, cujus solémnia celebrámus. Per Dominum.

Postcommunio de Octava:

Sumptis, Dómine, salutáribus sacraméntis, da quǽsumus, ut, méritis et intercessióne Beátæ Vírginis Maríæ in cælum assúmptæ, ad resurrectiónis glóriam perducámur. Per Dóminum.

Postcommunio de S. Helenæ

Concéde nobis, miséricors Deus: ut, qui salutíferæ Crucis tuæ fructu in terra sumus recreáti; per intercessiónem beátæ Hélenæ, eódem júgiter pérfrui mereámur in cælis: Qui vivis.

  



Dei via est íntegra
Our Lady of the Rosary, 144 North Federal Highway (US#1), Deerfield Beach, Florida 33441  954+428-2428
Authentic  Catholic Mass, Doctrine, and Moral Teaching -- Don't do without them -- 
Don't accept one without the others!