Regína sacratíssimi Rosárii, ora pro nobis!
  

Die 14 Februarii
S. Valentíni, Præsb. et Mart.

Missa In virtúte tua de Communi unius Martyris 3° loco, cum Oratiónibus ut infra.

Oratio:

Præsta, quǽsumus, omnípotens Deus: ut, qui beáti Valentíni Mártyris tui natalítia cólimus, a cunctis malis imminéntibus, ejus intercessióne, liberémur. Per Dóminum.

Et, in Quadragesima, fit Commemoratio Feriæ

Secreta:

Súscipe, quǽsumus, Dómine, múnera dignánter obláta: et beáti Valentíni Mártyris tui suffragántibus méritis, ad nostræ salútis auxíllium proveníre concéde. Per Dóminum.

Et, in Quadragesima, fit Commemoratio Feriæ

Praefatio Communis

Postcommunio:

Sit nobis, Dómine, reparátio mentis et córporis cæléste mystérium : ut, cujus exséquimur actiónem, intercedénte beáto Valentíno Mártyre tuo, sentiámus efféctum. Per Dóminum.

Et, in Quadragesima, fit Commemoratio Feriæ

 

 



Dei via est íntegra
Our Lady of the Rosary, 144 North Federal Highway (US#1), Deerfield Beach, Florida 33441  954+428-2428
Authentic  Catholic Mass, Doctrine, and Moral Teaching -- Don't do without them -- 
Don't accept one without the others!