Oratiónes diversæ pro Defúnctis

In Anniversário Defunctórum
Pro Papa defúncto
Pro uno defúncto
Pro pluribus defúncti
Pro una defúncta
Pro pluribis defúnctæ
Pro patre et matre
Pro fratribus, propínquis, et benefactóribus

In Anniversário Defunctórum

Oratio:

Deus, indulgentiárum Dómine: da ánimæ fámuli tui N. (fámulæ tuæ N. vel animábus famulórum, famularúmque tuárum) cujus (quorum)anniversárium depositiónis diem commemorámus, refrigérii sedem, quiétis beatúdinem, et lúminis claritátem. Per Dóminum.

Secreta:

Propitiáre, Dómine, supplicatiónibus nostris, pro ánima fámuli tui N. (fámulæ tuæ N. vel animábus famulórum, famularúmque tuárum) cujus (quorum) hódie ánnua dies ágitur: pro qua (quibus) tibi offérimus sacrifícium laudis; ut eam (eas) Sanctórum tuórum consórtio sociáre dignéris. Per Dóminum.

Postcommunio:

Præsta, quǽsumus, Dómine: ut ánima fámuli tui N. (fámulæ tuæ N. vel animábus famulórum, famularúmque tuárum) cujus (quorum) anniversárium depositiónis diem, commemorámus; his purgáta (purgátæ) sacrifíciis indulgéntiam páriter et requiem cápiat (cápiant) sempitérnam. Per Dóminum.

 

Pro uno defúncto

Oratio:

Inclína, Dómine, aurem tuam ad preces nostras, quibus misericórdiam tuam súpplices deprecámur ut ánimam fámuli tui N., quam de hoc século migrare jusísti; in pacis ac lucis regióne constítuas, et Sanctórum tuórum júbeas esse consórtem.

Secreta:

Annue nobis, quǽsumus , Dómine, ut ánimé famuli tui N. hǽc prosit oblátio: quam immolándo, totius mundi tribuísti relaxári delícta. Per Dóminum

Postcommunio:

Absólve, quǽsumus, Dómine, ánimam fámuli tui N. ab omni vínculo delictórum: ut in resurrectiónis glória inter Sanctos et eléctos tuos resuscitátus respíret. Per Dóminum.

Pro pluribus defúncti

Oratio:

Inclína, Dómine, aurem tuam ad preces nostras, quibus misericórdiam tuam súpplices deprecámur ut ánimas famulórum tuórum N. et N. quas de hoc século migrare jusísti; in pacis ac lucis regióne constítuas, et Sanctórum tuórum júbeas esse consórtes.

Secreta:

Annue nobis, quǽsumus , Dómine, ut animábus famulórum tuórum N. et N. hǽc prosit oblátio: quam immolándo, totius mundi tribuísti relaxári delícta. Per Dóminum

Postcommunio:

Absólve, quǽsumus, Dómine, ánimas famulórum tuórum N. et N. ab omni vínculo delictórum: ut in resurrectiónis glória inter Sanctos et eléctos tuos resuscitáti respírent. Per Dóminum.

 

Pro una defúncta

Oratio:

Quǽsumus, Dómine, pro tua pietáte miserére ánimæ fámulæ tuæ N: et a contágiis mortalitátis exútam, in ætérnæ salvatiónis partem restítue. Per Dóminum.

Secreta:

His sacrifíciis, quǽsumus, Dómine, ánima fámulæ tuæ N. a peccátis ómnibus exuátur, sine quibus a culpa nemo liber éxstitit: ut, per hæc piæ placatiónis offícia, perpétuam misericórdiam consequátur. Per Dóminum.

Postcommunio:

Invéniat, quǽsumus, Dómine, ánima fámulæ tuæ N. lucis ætérnæ consórtium: cujus perpétuæ misericórdiæ consecúta est sacraméntum. Per Dóminum.

Pro pluribus defúnctæ

Oratio:

Quǽsumus, Dómine, pro tua pietáte miserére animábus famulárum tuárum N. et N: et a contágiis mortalitátis exútas, in ætérnæ salvatiónis partem restítue. Per Dóminum.

Secreta:

His sacrifíciis, quǽsumus, Dómine, ánimæ famulárum tuárum N. et N: a peccátis ómnibus exuántur, sine quibus a culpa nemo liber éxstitit: ut, per hæc piæ placatiónis offícia, perpétuam misericórdiam consequántur. Per Dóminum.

Postcommunio:

Invéniant, quǽsumus, Dómine, ánimæ famulárum tuárum N. et N: lucis ætérnæ consórtium: cujus perpétuæ misericórdiæ consecútæ sunt sacraméntum. Per Dóm.

 

Pro patre et matre

Oratio:

Deus, qu nos patrem et matrem honoráre præcepisti: miserére cleménter animábus patris et matris meæ(paréntum nostrórum), eorúmque peccáta dimítte: meque (nosque) eos in ætérnæ claritátis gáudio fac vidére. Per Dóminum.

Secreta:

Suscipe sacrifícium, Dómine, quod tibi pro animábus patris et matris meæ (paréntum nostrórum) óffero: eísque gáudium sempitérnum in regióne vivórum concéde: meque (nosque) cum illis felicitáti Sanctórum conjúnge. Per Dóminum.

Postcommunio:

Cæléstis participátio sacraménti, qǽsumus, Dómine animábus patris et matris meæ (paréntum nostrórum) réquiem et lucem obtíneat perpétuam: meque (nosque) cum illis grátia tua corónet ætérna. Per Dóminum.

 

Pro fratribus, propínquis, et benefactóribus

Oratio:

Deus, véniæ largítor et humánæ salútis amátor; quǽsumus cleméntiam tuam; ut nostræ congregatiónis fratres, propínquos, et benefactóres, qui ex hoc sǽculo transiérunt, beáta María semper Vírgine intercedénte cum ómnibus Sanctis tuis, ad perpétuæ beatitúdinis consórtium perveníre concédas. Per Dóminum.

Secreta:

Deus, cujus misericórdiæ non est númerus, súscipe propítius preces humilitátis nostræ: et animábus fratrum, propinquórum, et benefactórum nostrórum, quibus tui nóminis dedísti confessiónem, per hæc sacraménta salútis nostræ, cunctórum remissiónem tríbue peccatórum. Per Dom.

Postcommunio:

Præsta quǽsumus omnípotens et miséricors Deus: ut ánimæ fratrum, propinquórum, et benefactórum nostrórum, pro quibus; hoc sacrifícium laudis tuæ obtúlimus majestáti; per hujus virtútem sacraménti a peccátis ómnibus expiáte, lucis perpétuæ, te miseránte, recípiant beatitúdinem. Per Dóminum.