Eadem die 22 Septembris
Pro Ss. Mauritio et Sociis, Martyribus
Missa Intret,
de Communi plurimorum Martyrum 1 loco,
cum Orationibus et epistola ut infra
Oratio (P):
Annue, quǽsumus, Dómine, omnípotens Deus:
ut sanctórum Mártyrum tuórum Maurítii et Sociórum ejus nos lætíficet
festíva solémnitas; ut, quorum suffrágiis nítimur, eórum natalítiis
gloriémur. Per Dóm.
Apoc. vii: 13-17
Léctio libri Apocalýpsis beáti Joánnis Apóstoli.
In diébus illis: Respóndit unus de
senióribus, et dixit mihi: «Hi, qui amícti sunt stolis albis, qui sunt? et
unde venérunt?» Et dixi illi: «Dómine mi, tu scis.» Et dixit mihi: «Hi
sunt, qui venérunt de tribulatióne magna, et lavérunt stolas suas, et
dealbavérunt eas in sánguine Agni. Ideo sunt ante thronum Dei, et sérviunt ei
die ac nocte in templo ejus: et qui sedet in throno, habitábit super illos: non
esúrient neque sítient ámplius, nec cadet super illos sol neque ullus æstus:
quóniam Agnus, qui in médio throni est, reget illos et dedúcet eos ad vitæ
fontes aquárum: et abstérget Deus omnem lácrimam ab óculis eórum.
Secreta (P):
Réspice, quǽsumus, Dómine, múnera, quæ
in sanctórum Mártyrum tuórum Maurítii et sociórum ejus commem-oratióne
deférimus: et præsta; ut, quorum honóre sunt grata, eórum nobis fiant
intercessióne perpétua. Per Dóminum.
Praefatio Communis
Postcommunio (P):
Cæléstibus refécti sacraméntis et gáudiis:
súpplices te rogámus, Dómine: ut, quorum gloriámur triúmphis, protegámur
auxílíis. Per Dóminum.
